 |
| Let there be light, and here comes light - MAKITA sa laragway sanday (L-R) ganhi SOCOTECO II board member Mark Henson Villareal nga nagapapili subong sa pagka-municipal councilor kaupod si former vice mayor Benjamin Guilley nga sa pagkakaron, nagapapili man sa pagka konsehal matapos ang tatlo sini ka termino, Socoteco manager Rudy Ocat, kag incumbent-reelectionist Mayor Reynaldo 'Bongbong' Constantino, vice executive president sang Pacquiao-led People’s Champ Movement (PCM) kag kasamtangan nga presidente sang League of Municipal Mayors (LMP-Sarangani Chapter), sa ginhimo san-ohay lamang nga pag-instalar sang elektrisidad sa tatlo ka mga malagyo nga mga barangay sang Panamin, San Juan kag Upper Lumabat. Sa pagsiga sang suga sa amo nga mga lugar, nakumpleto sang local government ang electrification project sa bilog nga 31 ka mga barangay sa banwa sang Malungon, Sarangani Province. (File photo-MALUNGON INFORMATION OFFICE/ Come and enjoy Sarangani Bay Festival on May 24-25, 2013). |
 |
| Of shaping up firmer family ties, children's future – Si incumbent councilor Jun Escalada naga presentar sa publiko sang iya mga ginpanday nga kaayuhan bilang chairman sang committee on social services samtang hugot nga nagapamati sanday (L-R) incumbent-reelectionist Mayor Bongbong Constantino, Councilor Edelberto Yuzon, kag former councilor-turned vice mayoralty candidate Jessie Dela Cruz sa ginhimo nga rally bag-o lang sang People’s Champ Movement sa Brgy. Upper Lumabat, Malungon, Sarangani Province. (Mark Eudela – MALUNGON INFORMATION OFFICE/ Come and enjoy Sarangani Bay Festival on May 24-25, 2013). |
MALUNGON, Sarangani – HUGOT nga pagpangampanya ang ginahimo subong sang kasamtangan nga administrasyon ni Mayor Bongbong Constantino para sa kasiguruhan sang kadaugan nga matud pa, amo ang yawi sa padayon nga paglambo sang sini nga banwa diri sa lalawigan sang Sarangani.
Ang mga lideres sang tribo nagsiling nga yara na sa kasiguruhan ang kadaugan sa pagpapili liwat ni Constantino para sa pinakaulahi sini nga termino, samtang bitbit man sang alkalde ang daku nga posibilidad para sa isa ka ‘landslide win’ para sa katibuk-an nga grupo sang Pacquiao-led People’s Champ Movement, tungod sa nakita sang katawhan nga ihemplo sang isa ka maayo nga klase sang liderato sang amo nga grupo.
“Paano man kita makapati sa mga pangdaut nga ginahimo sang iban nga mga nagapapili sa eleksiyon batuk kay Constantino kay kabalo man kita kung sanday sin-o ini sila, kag kung asta diin ang ila ikasarang sa ginatawag nga tinud-anay nga pagserbesyo publiko. Nga-a sa madugay na nga mga tinuig, may ara bala isa sini sa ila nga nagsaka sa kabukiran para maplastar ang kalinong parehas subong? Sin-o sini sa ila ang nakahimo nga makaplasta sang Mal’gan para manguna sa natad sang edukasyon, panglawas, nutrisyon kag iban pa nga progreso halin sa isa sa pinakakulihot nga banwa sadtong una nga mga panahon? Kapin pa, diin bala ini sila sa panahon nga wala sang eleksiyon, hilabi na gid kung kita nagakinahanglan sang bulig para sa aton mga nagamalasakit nga mga m’yembro sang pamilya, ukon sa pagpalubong na man lang sang aton mga nagtalaliwan?” ang siling ni barangay kagawad Dario Lasib, nga amo ang tagahambal sang Municipal Tribal Council.
Samtang hugot man nga gindusu ni Constantino ang pagpapili ni ganhi kagawad Jessie Dela Cruz para sa pagka-bise mayor. Ini matud pa kay tungod sa nakita sini nga dedikasyon ni Dela Cruz bilang ganhi chairman sang committee on education, para sa pagplastar sang b’was damlag sang mga kabataan nga gusto magtuon.
“Makita naton nga si Dela Cruz hipuson kay tungod ini siya iya indi tikalon. Indi man ini siya sikat kay 'di mo man makita sa sugalan, bilyaran, tong-itan ukon ilimnan. Pero ang ginasiguro ko, nga maukod ini siya magtrabaho para sa kaayuhan sang aton nga mga kabataan. Ini siya ang nagpanday sang aton scholarship program, nga kun diin ang lokal nga pangamhanan naga-gahin na sa subong sang may P5-milyones pesos kada tuig para sa bwas damlan sang aton nga mga pinalanga nga kabataan. Amo nga nakapagradwar kita sang may 147 na ka mga pobre pero mapisan mag-tuon nga mga estudyante sa nagkadaiya nga kolehiyo indi lamang sa lunsod sang Heneral Santos, kundi magin sa mga kadapit nga mga s’yudad sa Rehiyon – 11 kag Cebu,” and siling ni Constantino.
Upod nga ginplastar man ni Constantino sa ginhimo nga rally sa Brgy. Upper Lumabat ang kaayuhan sa pagserbisyo nila incumbent kagawad Joseph Calanao kag Jun Escalada. Ang una nagapapili para sa iya ikaduha nga termino, samtang si Escalara nagapangayo sang suporta para sa iya ulahi 0 ikatatlo na nga termino sa konseho.
Bilang chairman sa natad sang kaayuhan sa panimalay, nakahimo si Escalada sang mga nagkadaiya nga programa para sa kaayuhan sang pagpangabuhi sang mga pobre nga pamilya pinaagi sa pagsuporta sa mga programa sa panglawas, edukasyon kag iban pa, sa sulod sang anum (6) na ka tuig nga pagserbisyo publiko. Samtang si Calanao nahimo nga mabaskog nga haligi sa pagbantay, pagestyudyo kag pagahin sang nagakaigo nga pundo para sa mga nagkadaiya nga proyekto sang gobyerno.
Sa mga bag-uhay nga gusto magserbiyo, sulido man nga ginasuportahan sang alkalde ang kandidatura sang batan-on nga si Mark Henson Villareal nga nahimong ganhi board member sang SOCOTECO II.
Gani sa ginhimo nga rally, madamo ang naghulugyaw para kay Villareal nga amo ang ginatudlo nga nagtrabaho upod sa lokal nga goyerno, para mapasiga ang mga suga sa mga malagyo nga lugar sang banwa sama sa mga magkadapit nga barangay sang San Juan, Panamin kag Upper Lumabat nga nagapwesto sa dulunan nga parte sang probinsiya sang Sarangani kag Davao Del Sur.
Sa bahin naman sang mga nagadalagan sa pagka-indipendiente sa amo nga lugar, wala pa sa pagka-karon sang bisan isa sini sa ila ang nakahimo nga makaplastar sa atubang sang publiko, sang ila nagkadaiya nga mga programa para mamonitor man sang mga tag-balita kag katawhan ang ila nagkadaiya nga mga plataporma de gobyerno. Ini luwas sa paghimo sang mga ginatawag nga house-to-house campaign sa nagkadaiya nga barangay sang amo nga banwa. (Isagani Palma-MALUNGON INFORMARTION OFFICE).
.JPG)
