COYUGG mass feeding, isinagawa sa MCES

COYUGG nourishes the children– More or less 290 pupils in Malungon Central Elementary School (MCEL) savor the great taste of “arroz con caldo” (otherwise known as Spanish chicken soup) during a mass feeding stressed by the Concern Youth United for Good Governance (COYUGG) in Malungon, Sarangani. The group, led by founder Thessa (2^nd daughter of Mayor Reynaldo F. Constantino), was also assisted by (L-R) Malungon town first lady Roselyn D. Costantino, COYUGG Board of Trustee Mark Henson Villareal and MCES principal Leah Farnazo Tingson during the said activity. (JoJo Gocotano-MALUNGON INFORMATION OFFICE). 

MALUNGON, Sarangani – AABOT sa mahigit-kumulang 290 na mga batang ma-aaral ang 
masayang nakibahagi sa isinagawang “mass feeding” activity noong araw ng B’yernes ng 
grupong Concern Youth United for Good Governance o COYUGG sa Malungon CentralElementary School dito sa naturang bayan.              

Ayon kay COYUGG founder Thessa Constantino, pumapangalawa sa apat na anak ni Mayor Bong Constantino, ang adhikain ng kanilang samahan ay ‘di lamang nakatuon sa pagbigay-daan para sa mga angking kakayahan at talento ng mga kabataan sa entablado, kundi maging sa pagtaguyod na rin ng tunay na kahulugan ng unidad at wastong pagkalinga sa mga higit na nangangailangan.             

Matatandaan na noong nakaraang taon ay isa ang mga COYUGG Dancers sa mga naging ‘finalists’ ng programang Showtime ni Vice Ganda sa ABS-CBN giant television network na naka-base sa kauluhang Maynila.    

Maliban dito, noong mga nagdaang araw ay unti-unti na ring nakilala ang COYUGG dahil sa ipinapakitang pagpapahalaga sa mga kabataan, lakip na sa pamimigay ng mga used clothing, laruan, medisina at iba pang bagay na nakakapagpasaya sa mga dukha’t walang-wala tuwing kapaskuhan.  

Ayon kay Thessa ay kasalukuyan din nitong pinag-aaralan ang pagpapatayo ng isang talent studio sa lokalidad.

“Sana po ay kaawaan pa ako ng ating mahal na Poon nang sa gayo’y mas lalo ko pang matulungan ang mga naghihikahos kong mga kababayan,” ani Thessa, na sa kasalukuyan ay nananalangin din na sana’y mapabilang ito sa mga palaring makapasa sa BAR Exams para sa kurso nitong Abogasiya. (MALUNGON INFORMATION OFFICE/ ippalma)

Granada para kay ABC chair, na recover!

Unwanted ‘gift’ - MAKIKITA sa larawan sina Mayor Bong Constantino (2^nd L) at  Sr. Insp. Alvin Martin, Malungon PNP station chief  (2^nd R), habang hawak-hawak naman ng isang taga Explosive Ordinance Disposal (EOD) team ang  na-defuse na M-26  grenade kahapon sa ABC Hall ng Malungon, Sarangani. (JoJo Gocotano-MALUNGON INFORMATION OFFICE)
-------------------------------------------------------------------------------------------------

MALUNGON Sarangani - ISANG Granada na nakasilid sa maliit na kahon ang matagumpay na na-recover ng pulisya kahapon matapos ihatid ng isang 11-taong gulang na bata mga bandang 12:45 p.m. sa tangapan ng Associations of the Barangay Captains (ABC Hall) dito sa naturang bayan.

 

Una umanong tinangka ng suspek na iwan o ipa-receive ang kahon ng ‘goldilocks cake’  sa Sangguniang Bayan ngunit ng mapagalaman nito na nasa di kalayuan lamang ang tangapan ni ABC president Delia F. Constantino, ina ni Malungon town Mayor Reynaldo ‘Bong’ Constantino, ay agad na umalis ang suspetsado.  Ayon pa sa mga nakakita, ito ay nasa wastong gulang, may taas na 5’6-5’7”, moreno at nasa katamtamang laki ang pangangatawan.

Makalipas ang ilang sandali, isang bata ang umano'y dumating sa ABC Hall para ihatid sa nakakatandang Constantino (na noo’y kalalabas lamang para mananghalian) ang nasabing kahon.  

“Nagduda kami dahil sa bigat nito (kahon) at wala naman kaming alam na okasyon o kaya’y selebrasyon para may magpadala ng gift kay Mama Del. Saka may butas ang kahon, kaya’t naglakas loob kami na silipin ito,” ang sabi ng mga empleyado na tumanging isulat ang kani-kanilang mga pagkakilanlan.   

 

Sa pakikipagpanayam kay Sr. Insp. Alvin Martin, hepe ng Malungon Police Station ay sinabi nito na agad na tumawag ang lokal na pulisya ng Explosive Ordinance Disposal (EOD) team kung saan na-recover ng mga ito mula sa kahon ang isang M-26 grenade.

 

“Nakakabit sa safety pin nito (Granada) at takip ng kahon ang isang tali na kapag binuksan ay malamang na sasabog ito agad sa lakas na 15 meter radius,” ani Martin na sa kasalukuyan ay naniniwala na maaring personal o pulitika ang dahilan ng pagtatangka.  

Agad naman na nagbigay kautusan ang alkalde para sa pagsagawa ng mas mahigpit na security plan. Kasabay nito ay pinaalalahanan din ni Constantino ang lahat na maging maingat sa pagtangap ng kahit na anong bagay lalo na yaong mula sa mga di kilala o inaasahang panauhin.

“Ini tanan isa na ka warning sa aton. Gani nagapasalamat gid ako sa aton D’yos kay wala sang malain nga nahitabo indi lamang sa akon pinalanga ng inahan kundi sa atong tanan,” ani Mayor Constantino.

Samantala, isinabi ni Martin na pansamantala nang pinauwi ng pulisya ang bata dahil lumalabas sa inbestigasyon na nagmagandang loob lamang ito na dalhin sa ABC Hall ang .kahon matapos mapag-utosan ng suspek.   (Isagani Palma-MALUNGON INFORMATION OFFICE).

 

Problema sa SarGen border, tututukan nina Custodio at Constantino

Gensan-Sarangani BORDER –  Sina Malungon town Mayor Reynaldo F. Constantino at City Mayor Darlene Antonino-Custodio sa isang seryosong paguusap sa City Hall noong Martes kung paano mabigyan ng magandang solusyon ang matagal ng nakabinbin na usapin hingil sa wastong hanganan (border) sa may Hilaga at Katimogang bahagi ng Sarangani at Lungsod ng Heneral Santos. Makikita din sa kanang bahagi ng larawan si municipal assessor Honnelyne J. Gilley-Toyogon ng LGU-Malungon. (MALUNGON INFORMATION OFFICE)

-------------------------------------------------------------------------------------------------------------------------

MALUNGON, Sarangani – ISANG masigla’t seryosong pag-uusap ang namagitan kina Malungon town Mayor Reynaldo F. Constantino at City Mayor Darlene Antonino-Custodio noong araw ng Martes sa hangaring mabigyan na ng sapat na solusyon ang may ilang dekada na ring usapin hingil sa wastong hanganan sa may Hilaga’t Katimogang bahagi ng Lungsod ng Heneral Santos at nang bayan ng Malungon sa kalapit na lalawigan ng Sarangani.

Sa isang pribadong pag-uusap sa Bahay Pamahalaan ng Lungsod ay napagpasyahan ng dalawang mayores ang pagbuo ng grupo o survey team para sa isasagawang ‘actual ground survey’ sa darating na araw ng Martes (January 24) sa may Brgy. Upper Labay at Sitio Pulatana ng magkaratig na pook para matukoy kung saan ang totoong hanganan na ayon pa’y naging sentro na rin ng ilang kontrobersiya noong mga nagdaang dekada.  

Ayon kay Malungon municipal assessor Honnelyne J. Gilley-Toyogon, inaasahan din na kasama sa sinasabing survey team ang ilang personahe mula Department of Environment and Natural Resources at ahensiya ng pamahalaan.

“Nakita ta man kung gaano ka seryoso si Mayor Darlene Custodio gani nagapati gid ako nga sa pagbinuligay namon nga ini, mahimo na nga masolusyonan ang madugay na nga ginahulat sang tanan. Ini amo ang pag-locate naton kung asta diin gid ang boundary para madula na ang madugay nga nagapalibog sa ulo sang aton mga katawhan,” ani Constantino. (Isagani P. Palma-MALUNGON INFORMATION OFFICE)

Unang representante ng IP, swak na sa SB!

IP Representative – Saksi ang matataas na opisyales ng lokal na pamahalaan, DILG, NCIP, Association of the Barangay Captains (ABC) at Tribal chieftains sa panunumpa ni Datu Edmund Pangilan (gitna), Malungon Municipal at Sarangani Provincial Tribal Chieftain, sa harap ni Mayor Reynaldo ‘Bong’ Constantino bilang bagong ex-officio member ng Sangguniang Bayan ng Malungon, Sarangani. Si Pangilan ang itinuturo na pinakaunang representante ng IPs sa konseho dito sa SOCSARGEN area sa ilalim ng ‘mandatory representation’ na ipinapatupad ng Department of the Interior and Local Government, sa bisa ng R.A. 8371 o IPRA Law of 1997. (JoJo Gocotano-MALUNGON INFORMATION OFFICE)

-------------------------------------------------------------------------------------------------------------------

MALUNGON, Sarangani – KASUNOD ng maiinit na ‘pagsalang’ nito para sagutin ang ilang maiinit na katanungan mula sa Sangguniang Bayan at sa tulong na rin ng National Commission on Indigenous Peoples (NCIP) ay matagumpay na hinirang  si Malungon Municipal Tribal Chief at kasalukuyang Provincial Tribal Chieftain Edmund Pangilan bilang ‘pinakaunang’ SB ex-officio representative para sa grupo ng mga indigenous peoples sa bahaging ito ng SOCSARGEN Growth Area.

Ayon kay DILG provincial director Flor Limpin, sa bisa umano ng R.A, 8371 o 1997 IPRA Law ay si Pangilan ang maiging pinakauna na manunungkulan sa SB bilang representante ng indigenous peoples dito sa Sarangani, at maging sa mga karatig na lungsod ng Heneral Santos, Koronadal at lalalawigan ng South Cotabato.

Sinabi n Limpin na una umanong nabigyan ng pagkakataon para sa kahalintulad na katungkulan si Pastor Tito Isla ng bayan ng Maasim ngunit sa di inaasahan ay maaga itong namayapa bago pa man opisyal na nakapagsimula ng kanyang katungkulan noong nakaraan na taon.

Ipinaliwanag ni Limpin na sa bisa umano ng ‘mandatory representation’ ay manunungkulan si Pangilan bilang ex-officio na kung saan ay legal na maari itong makikibahagi sa lahat ng mga usapin at diskusyon sa loob ng Sangguniang Bayan.

“He has now the right to fully participate in all levels of decision making in a bid to ensure that the indigenous peoples shall be given the right to present their voice in policy-making,” ani Limpin. 

“The Republic Act 8371 or Indigenous Peoples Right Act mandates the right for the IPs to take part fully, if they choose, at all levels of decision-making in matters which involve their rights, lives and destinies through procedures determined by them, as well as to maintain and develop their own indigenous political structures,” ang paliwanag ni Limpin.

Ayon kay Constantino, ang pagkakaroon ng representate mula sa tribo ay isang kasiguruhan para sa mas lalong mapatibay ang mga karapatan ng mga ito.

“Kinakabig ko nga isa ka dako nga prebelihiyo ang pagkabutang sang isa ka m’yembro sang tribo sa konseho para magin’ tingog pakadto sa kaayohan sang aton nga mga utod nga Blaan, Kalagan kag Tagakaulo. Gani sa bulig man sang mga kauturan ta nga mga kosehiyales nga halin man sa tribo, nagapati ako nga mas magin’ masanag na ang b’was damlag sang mga kabataan kag umaabot nga henerasyon satong mga nagapangabuhi sa aton mga kabukiran,” ani Constantino.

Si Pangilan ay kasamang inindorso nina Atty. Joel Jumalon, NCIP legal officer for Central Mindanao at NCIP provincial director Luciano Lumancas. (Isagani P. Palma-MALUNGON INFORMATION OFFICE).

AFTERMATH – (left to right) Raul Factoran, president of The Philippine Eagles Club of Gen. Santos City and The Fraternal Order of Eagles nat’l president Salvador Ramos pathetically watches the debris caused by killer-typhoon ‘Sendong’ in Iligan City amid the 4-day (January 5-9) humanitarian mission of TFOE in Region-10. Ramos said, the mission was stressed through the active support of Malungon town Mayor Bong-Bong Constantino; KCC Mall of Gensan; Falgue Law Office; Mohamad Aquia Trading; Mindanao Media Services; Periodico Banat; The Southern Review; local entrepreneurs who refused to be named, and concerned citizens of Gen. Santos City and Sarangani Province.  (Isagani Palma-MALUNGON INFORMATION OFFICE)



STRONG BROTHERHOOD - Fraternal Order of Eagles secretary general Leody Armada drops off a portion of relief goods from Gen. Santos City and Malungon, Sarangani as local members of the Philippine Eagles Club took turns on the haulage toward the Tent City Evacuation Center during a humanitarian mission for victims of typhoon ‘Sendong’ in Tambo Terminal, Cagayan De Oro City. (Isagani P. Palma-MALUNGON INFORMATION OFFICE)




TRUE COMPASSION – An elderly woman (left) patiently awaits her turn to receive a pack of relief goods from The Fraternal Order of Eagles (Philippine Eagles) in typhoon-hit Cagayan De Oro City. TFOE nat’l president Salvador T. Ramos said the 4-day (January 5-9) humanitarian mission to Northern Mindanao was made possible through the strong support and cooperation of Malungon town Mayor Bong-Bong Constantino; KCC Mall of Gensan; Falgue Law Office; Mohamad Aquia Trading; Mindanao Media Services; Periodico Banat; The Southern Review; local entrepreneurs who refused to be named, and concerned citizens of Gen. Santos City and the nearby province of Sarangani. (Isagani P. Palma-MALUNGON INFORMATION OFFICE)



------------------------------------------------------------------------------------------------------------

Agila at LGU, namahagi ng tulong sa sinalanta ni ‘Sendong’

MALUNGON, Sarangani – Bagama’t nababakas ang labis na pagod ay makikita naman sa pagmumukha ng mga nakilahok sa 4 na araw na relief operation ng grupong The Fraternal Order of Eagles (Philippine Eagles) ang labis na kasiyahan dahil sa pagkatupad ng hagaring makatulong sa mga sinalanta ng bagyong si ‘Sendong’ sa magkaratig na lungsod ng Iligan at Cagayan De Oro, Northern Mindanao Region.    

                                                                                                                                   

Sa isang eksplusibong pakikipagpanayam kay TFOE nat’l president Salvador T. Ramos ay inilarawan nito ang mga nakapanlulumong tanawin na dinatnan ng kanyang convoy, lakip na ang nakakaawang katayuan ng mga biktima dahil sa biglaang pagtaas ng tubig na siyang itinuturong dahilan sa pagkamatay ng may dalawang libo katao sa naturang lalawigan.

Ayon sa ulat, sa kasalukuyan ay patuloy pa rin ang paglobo sa bilang ng mga nasawi, kung saan may mangilan-ngilan pa ring bangkay na umano’y natatagpuan sa mga karatig na pook ng nasabing lalawigan. Ayon sa mga awtoridad, ang mga bangkay na ito ay ‘maaring’ napadpad sa malalayong lugar dahil sa malakas na agos-baha sa kasagsagan ng bagyo.     

Kaugnay nito ay labis na pinasalamatan din ni Ramos ang mga nagbigay ng donasyon para sa isakatuparan ng nasabing humanitarian mission. Illan sa mga ito ay ang lokal na pamahalaan ng Malungon sa pangunguna ni Mayor Reynaldo ‘Bong’ Constantino (P200, 000 relief goods), KCC Mall of Gensan (medicine worth P120, 000), Davao Eagles Club (various relief goods worth P100, 000), Periodico Banat, Mindanao Bulletin at Sapol News Bulletin newspaper publications (coverage and assorted dry goods) at sina Atty. Tomas Falgui at Bong Aquia ng Mohamad Aquia Trading.

Sa inilaging apat na araw ng grupo ay pinuntahan ng mga ‘Agila’ ang mga pook na labis na napinsala tulad ng Xavier Heights Covered Court; Emily Subd; Villa Nena P1 Subd; Tent City sa Brgy. Tambo; Erlinda Ville Subd; Bry.  Del Carmen at Lanville Subd sa lunsod ng Iligan at Cagayan De Oro. Ilan sa mga pook na ito ang ayon pa’y halos winalis ng baha na kung saan nagmula ang may ilang daan na bilang ng mga namatay sa trahedya.

Bago lumisan ang convoy ay nagbigay naman ng kanyang suhistiyon si Mayor Constantino sa Philippine Eagles, na kung maari ay personal na maiparating ng grupo sa mga ‘tunay’ na sinalanta ng bagyo ang tulong na pinagtulungan na ipunin ng kanyang mga maliliit na mamamayan mula sa 31 barangay na bumubuo ng  kanyang bayan.

“Nakita naman naton kung ano kapait ang sitwasyon sang aton nga mga kauturan sa Northern Mindanao. Gani ginapangayo ko nga mapaabot gid ang amo nga bulig dito sa mga direktamente nga mga biktima para bisan ano man ini ka gamay (relief goods), makabulig gid kita sa aton mga kautoran didto sa Iligan kag Cagayan,” ani Constantino.

Kusa umanong lumaan sa pamamagitan ng isang resolusyon ang Sangguniang Bayan ng Malungon ng may P.4M na pondo para sa Norte. Gayon pa man ay nilinaw ni Constantino na sa paunang P200, 000 na halaga ng relief goods ay nakahanda pa rin umano ang LGU para sa pagpadala ng karagdagang tulong sa gitna ng nauulat na patuloy na pagbuhos ng ayuda mula ibang bayan.      

Sinabi din ni Ramos na malaki ang naitulong ng mga nakabase na ‘Agila’ sa isinagawang relief operation.

Kaugnay nito ay pinasalamatan din nito (Ramos) ang KCC Mall di lamang dahil sa ibinigay nito na mga medisina, kundi maging sa pagpagamit ng mga sasakyan lakip na ang isang 10-wheeler wing van na siyang kumarga ng lahat ng mga relief goods patungo sa naturang lalawigan. (Isagani P. Palma/ MIO Malungon, Sarangani

LGU-Phil. EAGLES humanitarian mission

Goods for “Sendong” victims - MATAMANG pinag-aaralan (L-R) nina Mayor Reynaldo ‘Bong’ Constantino at Kuya Salvador ‘Badong’ Ramos, national president ng The Fraternal Order of Eagles (Philippine Eagles), ang tamang sestima ng transportasyon sa unang-bahagi ng may P.4M-halaga ng gamot, pagkain at used clothing mula sa bayan ng Malungon, Sarangani patungo sa mga biktima ng super typhoon ‘Sendong’ sa Iligan at Cagayan De Oro City, Northern Mindanao Region. Makita din sa larawan sina Eagle Kuya Anton Teruel, former town councilor Ben Santos (partly hidden) at MSWDO Mildred Dela Cuesta. (JoJo Gocotano – MALUNGON INFORMATION OFFICE)

Conjoint Mission – MASIGLANG nilagdaan kahapon nina Mayor Reynaldo F. Constantino at Salvador T. Ramos, Nat’l President ng grupong The Fraternal Order of Eagles (Philippine Eagles) ang memorandum of agreement hingil sa ipapadalang tulong na gamot, pagkain at relief goods na nagkakahalaga ng may P.4M sa mga sinalanta ng bagyong “Sendong” sa Cagayan De Oro at Iligan City, Northern Mindanao Region. Makikita din sa larawan sina (standing L-R) EAGLES Kuya Leody Aramada, LGU-MIO Isagani Palma, Kuyas - Ed Delima, Anton Teruel, Jonas Munasque at Ric Yap. (JoJo Gocotano-MALUNGON INFORMATION OFFICE)

RFC-Agila Mission - MAKIKITA sa larawan ang madaliang pag-impake ng mga Barangay Nutrition Workers kahapon ng may P.4M na halaga ng used clothings, pagkain at gamot  sa bayan ng Malungon, Sarangani para sa isang joint humanitarian mission sa pangunguna ni Malungon town Mayor Reynaldo ‘Bong’ Constantio at Kuya Salvador T. Ramos, national president ng grupong The Fraternal Order of Eagles (Philippine Eagles) sa mga biktima ng bagyong ‘Sendong’ sa Iligan at Cagayan De Oro City, Nothern Mindanao Region. (JoJo Gocotano-MALUNGON INFORMATION OFFICE)

Isang trak na bigas, pamasko ni Pacquiao sa ‘RFC-Sagip Bata’

MHO caregivers – Si Dra. Rafaida Garay-Hernandez (4^th- R), Municipal Health Officer, kasama ang hukbo ng mga health workers sa isang souvenir shot sa gitna ng isinagawang “Sagip-Bata Year-II” na programa ng lokal na pamahalaan Malungon, Sarangani. (JoJo Gocotano-MALUNGON INFORMATION OFFICE).

SAGIP BATA II – MAKIKITANG buhat-buhat ni Rep. Manny Paquiao ang isa sa dalawang polio (infantile paralysis) victims ng sitio Dalamuan, Brgy. Lutay patungo sa pamaskong wheeled-chair, samantalang masaya namang nakamasid sina Mayor Bong Constantino at MHO Dr. Rafaida Garay-Hernandez (partly hidden) sa gitna ng isinagawang ‘RFC-Sagip Bata-II) na programa ng lokal na pamahalaan sa bayan ng Malungon, Sarangani. ( JoJo Gocotano-MALUNGON INFORMATION OFFICE)

Pamasko ni Mayor Bong– ABALA sa kanyang paglibot si Mayor Bong Constantino para mamigay ng regalo sa may 250 na mga batang dumalo sa ‘Sagip-Bata II’ na programa ng lokal na pamahalaan sa Malungon, Sarangani. Ang pamimigay ng gift packs, laruan, t-shirts lakip ang masaganang kainan (with clown entertainers) ay naging taonang bahagi na  ng Kapaskohan sa bayan sa hagarin ni Constantinong maipadama sa mga paslit na naninirahan sa mga matataas at malalayong bahagi ng kabundokan, ang tunay na halaga ng pagbibigayan at pagmamahal sa kapwa tuwing Kapaskohan. (JoJo Gocotano-MALUNGON INFORMATION OFFICE)

-----------------------------------------------------------------------------------------------------------------------

MALUNGON, Sarangani – TINATANTIYA na aabot P400, 000 ang halaga ng bigas na ipamamahagi ni Rep. Manny D. Pacquiao sa may 250 na mga kabataang nakiisa sa taonang “Sagip Bata” program ni Mayor Reynaldo F. Constantino sa Malungon, Sarangani.

Ayon sa ulat ay di umano inaasahan ng mga bata ang biglaang pagsulpot ng kongresista sa pagtitipon na sadyang inilalaan ni Constantino para sa mga paslit, lalo na yaong mga nanininirahan sa mga matataas na kundokan tuwing Kapaskuhan.

Ani Pacquiao, ang aginaldong tig-isang (1) sakong bigas sa may 250 na batang kasapi ng programang “Sagip-Bata year-II” ng lokal na pamahalaan ay bahagi lamang ipinangako nitong suporta para sa kalusugan ng mga batang Sarangans.

“Wala gyud ko nakalimot sa inyo tanan hilabi na sa atong mga kabataan. Gani akong ginasiguro nga magapadayon ang tanang programa namo ni Mayor Bong hilabi na katong para sa kaayuhan sa panglawas dinhi sa atong banwa sa Malungon. Ug kauban sa sini nga kasiguruhan ako pud nga ginapaabot sa inyo ang daku nakong pagpasalamat sa tanang suporta nga gipakita ninyo sa akong administrasyon,” ani Pacquiao.

Sa ilalim ng temang:“Kalusugan ay kayamanan, kabataan ay alagaan tungo sa maunlad na baya” ay iniipon ni Constantino ang mga paslit at mga batang may kapansanan para umano’y makapagdiwang ng Kapaskuhan sa loob ng Municipal Gymnasium taon-taon.

“The presence of our beloved Congressman Paquiao today is of lucid proof that he (Pacquiao) has never renege to his promise  sa aton nga magapadayon nga yara permi sa aton ang presensiya kag pagpalanga sang aton kongresista despite of his hectic schedule to serve the whole people of Sarangani,” ani Constantino.

Sa gitna ng naturang okasyon ay magkasama ring namigay sina Constantino at Pacquiao ng mga pamaskong wheel-chairs sa dalawang polio o infantile paralysis victims, kung saan personal na pinangko ni Rep. Pacquaio ang bawat isa patungo sa kani-kaniyang upuan. Kalakip nito ay namahagi din ng gift packs na may kasamang bigas, assorted health-care items, t-shirts, at apples ang lokal na pamahalaan sa gitna ng isang masaganang kainan at entertainments ng mga clowns.

          

             This undertaking was conceptualized because of Mayor Constantino’s desire to let poor children feel the essence of love and giving during the special celebration of the Yuletide season,’ ani Dra. Rafaida Garay-Hernandez na siyang Municipal Health Officer ng bayan. (Isagani P. Palma/ MIO-Malungon)