Libo-libong PhilHealth cards, pinamahagi ng LGU-MHO sa Malungon

MHO briefs the importance of PhilHealth to Tamban sitio leaders – Ipinaliliwanag ni Mun. Health Officer Dra. Rafaida Garay-Hernandez (L) sa mga sitio leaders ang importansiya ng Phil Health cards samantalang matama namang nakikinig sina Mayor Bong Constantino (seated front-right) at Tamban Brgy. Capt. Virgilio Asgapo (R), bago magsimula ang aktuwal na pamamahagi nito sa may daan-daang residente sa isinagawang lingohang Pacquiao-LGU “Lingap sa Barangay” program noong araw ng Huwebes (October 25, 2012) sa Malungon, Sarangani. For more information, please visit malungon.blogspot.com (Isagani Palma-MALUNGON INFORMATION OFFICE).

Marriage indemnities – Matapos ang may ilang taon na pagsasama ay walang pangigimi na ipinamalas ng may 60 na pareha ang umano’y ‘walang pagbabago’ nilang pagmamahalan sa harap nina Mayor Reynaldo ‘Bong’ Constantino, Brgy. Captain Virgilio Asgapo at maging sa buong madla sa gitna ng ginanap na kasalang bayan sa Brgy. Tamban, Malungon, Sarangani. Sa ginanap na Pacquiao-LGU weekly “Lingap sa Barangay program” noong araw ng Huwebes (Oktobre 25, 2012) ay tumangap din ng kani-kanilang mga philhealth cards mula MHO sa pamumuno ni Dra. Rafaida Garay-Hernandez, ang daan-daang residente ng naturang pook. For more information, please visit malungon.blogspot.com (Isagani Palma-MALUNGON INFORMATION OFFICE).

MALUNGON, Sarangani – NAKATUON ngayon ang pansin ng Municipal Health Office sa pamamahagi ng may 8, 942 Phil Health cards kaugnay sa pinagisang hangarin nito at ng administrasyong Constantino na mabigyan ng sapat na proteks’yon sa pangkalusugan ang mga mahihirap, lalo na yaong naninirahan sa mga malalayong pook at matataas na bahagi ng kabundokan.

Sa isinagawang Pacquiao-LGU weekly “Lingap sa Barangay” pogram sa Brgy. Tamban noong araw ng Huwebes (Oktobre 25, 2012 ay tumangap ng kani-kanilang Phil Health cards ang daan-daang residente na kung saan karamihan nito ay mula sa tribo  ng mga Blaan at Tagakaulos, kaalinsabay sa isinagawang lingohang pamimigay ng lokal na pamahalaan ng iba’t-ibang serbisyo publiko, na sinasabing ‘natatangi’ sa buong lalawigan ng Sarangani.

Ayon kay Dr. Rafaida Garay-Hernandez, ang Brgy. Tamban ay ika-apat na sa mga pook na nakatangap ng naturang benepisyo mula sa Tangapan ng Pangkalusugan matapos ang magkasunod na pamamahagi ng MHO ng philhealth cards sa Brgys. Nagpan, Poblacion at Malalag Cogon nitong mga nakaraang lingo.

“Ato kining ginahimo para mahatagan ug insaktong pagtagad ug hinabang ang mga pobre o poorest of the poor families sa atong distrito upod sa suporta sa atong lokal nga pangamhanan sa ilalum sa liderato ni Mayor Reynaldo ‘Bong’ Constantino,” ani Hernandez.

Sa hangarin ni Constantino na mapasailalim sa naturang programa ni Pangulong Ninoy Aquino ang mga higit na nangangailangan ay ipinagutos ng naturang alkalde ang pagbigay ng mga libreng ‘membership’ sa philhealth para sa lahat ng mga nararapat na maging benepisaryo nito.

“Ginatagaan ko sang daku nga prebiliheyo nga magin m’yembro sang philhealth ang kada isa sa inyo (local residents) gani yara na sa inyo nga pagdumala ang pagpadayon sini para sa kaayuhan kay proteks’yon sang inyo nagkadaiya nga pamilya,” ani Constantino, na una nang nagpalabas ng iba’t-ibang programa sa gobyerno sa pamamagitan ng flagsip program nito sa agraryo bilang suporta sa pangkabuhayan at pagkakakitaan ng mga mamamayan.

Sa isinagawang pulong-pulong ay agad ding binigyan ng kalutasan ni Constantino ang ilang mga hinaing na inilapit sa kanya ng mga sitio leaders tulad ng problema sa inuming tubig at kakulangan ng midwife sa naturang barangay, na ikinatuwa at pinasalamatan naman ng labis ni Tamban Brgy. Kapitan Virgilio Asgapo. (Isagani Palma-MALUNGON INFORMATION OFFICE).