Asgapo, nagpasalamat kay Constantino

Si Brgy. Capt. Virgilio Asgapo samantalang nagpapasalamat ito sa isinagawang Pacquiao-LGU weekly “Lingap sa Barangay” program ni Mayor Reynaldo ‘Bong’ Constantino (seated Right) noong nakaraang araw ng Huwebes, kung saan, maliban sa tulong medico ay namahagi din ng Phil Health cards ang MHO sa may ilang daang pamilya ng Brgy. Tamban, Malungon, Sarangani. Makikita rin sa larawan sina (seated 2^nd –R) Mun. Health Officer Dr. Rafaida Garay-Hernandez at ilang barangay leaders. For more information, please visit malungon.blogspot.com (Isagani Palma-MALUNGON INFORMATION OFFICE).  

MALUNGON, Sarangani – DAKO ang pagpasalamat ni Tamban Brgy. Kap. Virgilio Asgapo sa administrasyon ni Mayor Reynaldo ‘Bongbong’ Constantino sa ginhimo nga san-ohay lamang nga Pacquiao-LGU weekly “Lingap sa Barangay” program sa ginatudlo nga kampo sang mga oposisyon diri sa banwa sang Malungon.

Sa tunga sang ginasiling nga pagdalagan sang bata ni Asgapo sa pagka-bise mayor batok sa grupo sang People’s Champ Movement nga yara sa idalum sang liderato ni Constantino, nakita sang kadamuan ang maayo nga pag-ululupod kag pagbinuligay sang duha ka kampo-pulitikanhon nga kun diin bilog nga adlaw nga ginpangunahan ni Constantino ang paghatag sang nagakaigo nga serbisyo publiko kag kasulbaran sa nagkadaiya nga problema sa ginasiling nga lugar.

“Madamo gid nga salamat sa aton mayor kag sa grupo sang aton lokal nga pangamhanan sa pag-ari diri sa amo para sa sini nga klase sang programa,” ang siling ni Asgapo.

Luwas sa paghatag sang nagakaigo nga tabang medico, pagpanagtag sang may gatusan ka mga Phil Health cards para sa seguridad sa panglawas sang kada pamilya, gilayon man nga gintagaan sang mayor sang nagakaigo nga kasulbaran ang mga nagkadaiya nga mga problema nga ginplatar sang mga sitio leaders sa tunga sang ginhimo nga pulong-pulong bag-o pa man ang pormal nga pagumpisa sang ginasiling nga medical outreach program.

Kaupod sa mga ginhatagan sang insakto nga pagtagad ni Constantino amo ang pag-assign sang dugang nga midwife para mag-tanaw sa sitawasyon sang mga mabdos, pagbulig para sa makuhaan sang potable water kag ang pag-schedule para sa pagsaka sang heavy equipment para magtrabaho sa dalan sang amo nga distrito.

“Nahibal-an man naton tanan kung ano kaimportante ang kasiguruhan sa aton panglawas. Gani yara na karon ang aton MHO para managtag sang Phil Health cards sa kada pamilya. Ang akon lamang nga ginapangayo nga sa luyo sang akon pagpaningkamot para matagaan sang insakto nga pagpalanga ang kada isa sa inyo, amo ang himu-a man ninyo ang inyo nga parte sa gobyerno, kay ako na ang bahala sang akon man nga parte sa handum nga mas mapabakod pa ang pagpanginabuhi sang aton mga kasimanwa diri sa Malungon,” ang siling ni Constantino.

Upod sa ginpadum-dum ni Constantino sa mga taga-Bgry. Tamban amo ang pagmintena sang backyard gardening nga isa sa mga ginaduso sang LGU para makabulig sa pangadlaw-adlaw nga kinahanglanon sang kada pamilya. Ang amo nga programa nga gin-updan sang padayon nga pagayuda sang binhi, abono kag nagkalain-lain nga kinahanglanun sa pagpananum yara sa idalum sang flagship program ni Constantino sa agrikultura. (Isagani Palma-MALUNGON INFORMATION OFFICE)