SB, nag-endosar bag-o nga kapitan sa Brgy. Nagpan

 :

 PHOTO NEWS UPDATE:
SMI cares – (L-R) Si Mayor Bong Constantino samtang ginabaton sini ang tseke nga nagakantidad sang P270, 000 halin kay SMI-CSES Superintendent Julius Clarete sadtong adlaw nga Lunes (January 14, 2013) bilang supporta sang Sagittarius Mines sa programa sang Municipal Health Office sa banwa sang Malungon, Sarangani. Makita man sa amo nga larawan sanday (rear L-R) Fely Constanitno, MHO head Dr. Rafaida Garay-Hernandez, Municipal Treasurer Nympha Figueroa, PCM town councilor candidate Nene Espinosa-Santos, kag incumbent municipal Kagawad Cesar Nallos nga magapapili sa pagka-board member sa umaabot nga piniliay. For more information, please visit malungon.blogspot.com (JoJo Gocotano-MALUNGON INFORMATION OFFICE).

Workers aptitude test and evaluation – Sa kagustohan nga mahatagan sang husto kag nagakaigo nga serbisyo publiko ang katawhan, padayon ang ginahimo subong nga ibalwasyon ni Mayor Bong Constantino sa mga trabahante sa nagkadaiya nga departamento, upod sa mga bag-o nga mga aplikante sa pagka-job order sa munisepyo sang Malungon, Sarangani. For more information, please visit malungon.blogspot.com (JoJo Gocotano-MALUNGON INFORMATION OFFICE).

One-stop shop sa Mal’gan – Makita sa amo nga larawan ang hinay-hinay nga pagdagsa sang mga tawo sa una nga adlaw sang one-stop shop sang lokal nga pangamhanan sa gymnasium sang banwa sang Malungon. Sarangani Province. Ang amo nga pamaagi sang pagserbisyo ginhimo para sa mas madasig nga renewal o pagkuha sang mga business permits sang publiko. Ini asta lamang sa petsa 20 sang Enero, 2013. For more information, visit malungon.blogspot.com (JoJo Gocotano-MALUNGON INFORMATION OFFICE).

-------------------------------------------------------------------------------------------------------------------------------------

Malungon, Sarangani – Para indi maapektuhan ang pagserbisyo sa masubu nga pagtaliwan ni punong barangay Emil Tuanzon, nag-ululupod  kahapon sa ginhimo nga pagkortisiya sang bag-o nga napili nga kapitan sang Brgy. Nagpan ang mga kagawad sini kay Mayor Bong Constantino sa banwa sang Malungon, Sarangani Province.

Sa tunga sang ila mahirup nga pagkita, liwat  ginpahinumdum ni Constantino sa mga barangay officials ang daku nga importansiya kag partisipasyon sang kada isa sa kinatibuk-an nga handum sang LGU para sa kaayuhan sang amo nga banwa.

Ginasiling nga sa pagtaliwan ni Tuanzon, naghimo sang isa ka resolusyon ang Sangguniang Barangay sang Brgy. Nagpan kon diin hugot nga gin-indusar sini si ganhi una kagawad Mario Legania bilang bag-o nga kapitan sa amo nga lugar, suno sa napatik nga layi sa Chapter 2, Section 44 sang Local Government Code of the Philippines.

Upod sini, gin indusar man sang SB pinaagi sa isa ka resolusyon, si Mrs. Edna Tuanzon nga asawa sang nagtaliwan bilang amo ang magaasyumar bilang bag-o nga kagawad sa nabakante nga pusisyon ni Legania sa Sangguniang Barangay Council.

“Sa handum naton nga matagaan sang de kalidad nga pagserbisyo ang aton mga kasimanwa, ginapangabay ko gid ang tagsa-tagsa sa pagtrabaho sang husto para sa kaayuhan sang Malungon,” ang siling ni Constantino.

Bilang maayo nga amigo kag lider sa iya ginsakpan, madamo ang nagpaabot sang ila pagkasubo sa pagtaliwan si Tuanzon sadtong nagligad nga bulan lamang.  (Isagani Palma –MALUNGON INFORMATION).