DENR-LMB, suportado si ‘Pacman’ sa pagbuo ng bagong bayan



New Town – WALANG kagatol-gatol na nagpahayag ng matibay na suporta sa gagawing pag-endorso ni Sarangani Rep. Manny Pacquiao ng Brgy. Malandag sa Kamara para maging ganap na ika-8 bayan ng lalawigan  si Department of Environment and Natural Resources-12 Land Management Bureau (LMB) Dir. Morakie Domanday (kanan), sa gitna ng isang masiglang pag-uusap nila ni Mayor Reynaldo ‘Bong’ Constantino sa tangapan ng huli sa Malungon, Sarangani. Makikita din sa larawan si Congressional Office chief of staff Bren Evangelio. (JoJo Gocotano-MALUNGON INFORMATION OFFICE).



DENR Support – MATAMANG nakikinig sina (L-R) Malungon, Sarangani Mayor Reynaldo ‘Bong’ Constantino (Gitna), DENR-12 Land Management Bureau director Morakie Domanday (Kanan) at Congressional Office chief of staff Bren Evangelio kay municipal planning and development officer Nonito Nunez habang nag-uulat ang huli hingil sa isinasagawang preparasyon ng lokal na pamahalaan kaugnay sa planong pag-endorso ni Rep. Manny Pacquiao ng Brgy. Malandag sa Kamara bilang ika-8 bayan ng kanyang distrito. (JoJo Gocotano-MALUNGON INFORMATION OFFICE)

-----------------------------------------------------------------------------------------------------------

MALUNGON, Sarangani - HANDANG-HANDA na umano ang mga kakailanganing dokumento para sa gagawing pag-endorso ni Sarangani Rep. Manny Pacquiao ng Brgy. Malandag sa Kamara para maging ika-8 bayan ng lalawigan ng Sarangani. 

 

Sa pagdalaw kamakailan lamang nina DENR-12 Land Management Bureau (LMB) dir. Morakie Domanday at congressional office chief of staff Brend Evangelio kay Mayor Reynaldo ‘Bong’ Constantino ay hayagan namang ipinaabot ni Domanday ang isang matibay na suporta para sa nasabing proyekto, kaalinsabay ng kahilingan nito na dapat maging komplet ang mga isusumiteng mga papeles ng LGU sa tangapan ng Land Management Bureau na nakahimlay sa karatig lalawigan ng Timog Kotabato.

“Naniniwala kasi ako na dumaan na ito sa masusing biripekasyon at pag-aaral ng lokal na pamahalaan.  And besides, our agency is always ready to support such kind of endeavor, in its noble aim to boost the living condition of the common tao. Kaya’t asahan po ng lahat ang aming suporta dahil naniniwala din ako na sa tulong at pagsusumikap ng ating iniidolo (Rep. Pacquiao) ay lalong mapapabilis at tuloy-tuloy na po ang takbo ng mga nararapat na proseso,” ani Domanday.

               Buo naman ang paniniwala ni Constantino na wala ng magiging hadlang sa paging ganap na bayan ng Malandag dahil sa nakikita nitong pagkakaisa ng mga opisyales mula probinsiya, LGU at maging sa hanay ng mga ordinaryong mamamayan na kaytagal na rin umanong naghihintay para sa pagkabuo nito.“

“Parti pamulitika, siguro nagapati ako nga daku ang pwede magin epikto sini sa akon.  This is considering Brgy. Malandag that lays the Southern part of town as my birth place and since then deemed by many as a political stronghold to the Constantino family. Pero nakita ko ambi nga may ara pa gid sang mas maayo nga bwas damlag sa ngalan sang progreso kag nagkadaiya nga benipisyo nga nagahulat indi lamang sa mga ordinaryo nga mga tawo diri sa kapatagan, kundi hilabi na sa mga gagmay nga tribo sang mga Blaan kag Tagakaulo sa kabukiran, amo nga daku ang akon handum nga maendosar na gid ini nga proposisyon sang amon halangdon nga Rep. Pacquiao didto sa hawanan sang Kongreso para ginaplano nga pagpatindog sini nga banwa on or before 2013,” ani Constantino.

Kasama sa mga dokumento na nakatakdang isumite ni Pacquiao sa Kamara ay ang integrated income, population, total land area ng 13 mga baranagy na dati’y kabilang sa 31 na mga barangay ng Malungon, lakip ang kasiguruhan na maari na itong tumayong mag-isa at umunlad bilang ika-8 munisipalidad ng nasabing probinsiya. (Isagani Palma/ MIO-Malungon).