Edukasyon para sa may 30,000 ka kabataan, ginasiguro ni RFC sa Maln’gan

Of strengthening the children's future – Mayor Reynaldo ‘Bongbong’ Constantino speaks about the good of children and of what his present administration did in shaping up the broods future in terms of health protection and education, amid the recently held celebration of Children’s Month billed as “Bata kasali ka, Ikaw ang Mahalaga” in Malungon, Sarangani Province. (JoJo Gocotano – MALUNGON INFORMATION OFFICE).

Shaping up the future - Mayor Bong Constantino (seated front left), local gov't officials and department heads join hundreds of day care pupils at the Municipal Gymnasium during the recent celebration of Children's Month dubbed as 'Bata kasali ka, Ikaw ang mahalaga' in Malungon, Sarangani Province. (JoJo Gocotano - MALUNGON INFORMATION OFFICE).

Preschools presentation - Day Care pupils dance on stage as part of the recently held Children's month celebration in Malungon, Sarangani Province. (JoJo Gocotano - MALUNGON INFORMATION OFFICE).

--------------------------------------------------------------------------------------------------------------------------

MALUNGON, Sarangani – Hugot nga ginasiguro subong sang pangamhanan ni Mayor Reynaldo ‘Bongbong’ Constantino ang padayon nga paghatag sang mas mabaskug kag pulido nga mga programa sang gobyerno para sa kaayuhan sang mga kabataan hilabi na sa mga yara sa premiro-anyo sang edukasyon, bag-o pa man mahuman ang pinakaulahi nga tuig sini sa serbisyo publiko sa umaabot tuig-2016.

Ang amo nga kasiguruhan ginpaabot ni Constantino sa atubang mismo sang mga halangdon nga mga bisita, barangay officials nga gipangunahan ni Association of Barangay Captains (ABC) president Edna Tuanzon, ginikanan, magtutudlo kag nagahulugyaw nga gatusan ka mga kabataan nga nagtililipon para sa selebrasyon sang Children’s Month nga may tema: “Bata kasali ka, Ikaw ang mahalaga,” sa sulod sang Municipal Gymnasium sa banwa sang Malungon, Sarangani Province.

Sa iya mensahe, tataw nga ginsiling sang alkalde nga dapat palanggaon kag amomahon sang maayo ang mga kabataan para “makita nila nga wala gid nagkulang ang akon administrasyon sa pagpaningkamot para sa kaayuhan kag bwas damlag sang tanan.”

Ang amo nga pagtililipon ginpangunahan sang lokal nga ahensiya sang Social Welfare and Development Office sa idalum sang superbisyon ni MSWDO, Mildred Dela Cuesta.

Upod sa mga gimens’yunar ni Constantino amo ang mas malig-on sa karon nga suporta para sa children’s rights pinaagi sa BCPC o Barangay Council for the Protection of Children; nagakaigo nga proteksiyon sa mga mabdos nga mga kababainhan, insakto nga sestima sang edukasyon, scholarship grants para sa mga pobre pero maukod mag-estudyo nga mga estudyante, PhilHealth care, kag ang pagpasunod sang mas limpyo nga klase sang pagpanginawi sa sulod sang kada panimalay.

“Sa subong, may ara na kita 5,302 ka mga bata nga naga-eskwela sa idalum sang aton early childhood education sa mga Day Care Centers o supervised neighborhood play, halin pa sang tuig 2013. Salamat sa Plan International kag Save the Children nga nagbulig sini nga programa. Subong nga tuig, yara na sa 5,702 ka bata ang ara sa early education, upod ang kindergarten sang DepEd. May ara man kita 3 ka ECCD on horse para sa malagyo, salakaon kag mabudlay nga mga lugar. Ang Plan International nagsupporta man sang 18 ka mga magtutudlo para sa geographically isolated kag distressed areas. Amo man ang Save the children nga may ara 15 ka mga Kapit Bahay Aralan , o kaparehos sang aton Day Care Center. Ang elementarya may ara na 69 schools sa 4 ka distrito; kag 10 ka national high schools luwas sa 13 ka integrated schools. Sa subong, nagtaas na ang aton participation rate sa kadamoon sang mga bata nga yara sa eskwelahan. Ini tanan, nakalambot na sang sobra 30 thousand ka mga bata nga ara sa eskwelahan, upod na sini ang kindergarten,” ang pagbutyag ni Constantino. (MALUNGON INFORMATION OFFICE).