Nagdagsa nga aplikante, 'gipa-raffle' ni RFC

A ‘pick’ for luck – Si Cristina Constantino-Lapaz (left), DOLE local manager kag chief executive secretary ni Mayor Bong Constantino samtang ginagabot sa atubangan sang may 74 ka mga aplikante, ang ‘dibwenas’ nga 20 ka mga pangalan nga mahimo makatrabaho sa LGU sang banwa sang Malungon, Sarangani. (JoJo Gocotano-MALUNGON INFORMATION OFFICE).

Brimming with hopefuls – Si Mayor Reynaldo ‘Bong’ Constantino (left) samtang ginakuha ang suhestiyon sang may 74 ka mga job order applicants’ sa pagpili sang 20 lamang ka mga personahe nga makasulod para magtrabaho sa LGU sang Malungon, Sarangani. Makita man sa larawan (seated right) si Upper Biangan Brgy. Captain, Reumero Geonzon. (JoJo Gocotano-MALUNGON INFORMATION OFFICE).

---------------------------------------------------------------------------------------------------------------------------------

MALUNGON, Sarangani – Sa luyo sang dako nga handum sang munisepyo nga maakupar ang mga nanginahanglan sang trabaho, wala nahimo ang lokal nga gobyerno kundi ang mangita sang bag-o nga pamaagi para ma-intertinar ang pagdagsa sang mga aplikante sa amo nga munisepyo.

Sang tuig 2012, ginasiling nga yara na sa may 157 ka mga job orders ang yara sa lokal nga pangamhanan sang banwa sang Malungon, kung diin ini ginagahinan sang may P13.5M nga pundo kada tuig. 

Gani sa pagdugang sang may 74 ka mga bag-o nga mga aplikante, ginabana-bana nga mag-abot na sa may P15M ang mahimo nga budgetary requirement sa katibuk-an nga pwersa sang may 231 ka job orders para sa sini nga tuig, kung ugaling nga ini tanan pagabatunon sang lokal nga pangamhanan.

“Much to my desire to help, I know I could not hire everybody for I might be put to blame by the majority. I always understand the need for work, but I have my limitations too that hopefully, these hopefuls should have to comprehend as well.  Besides I am not running a private company. So I think I would be unfair to the mainstream if I approve all of you today,” ang hapsay nga siling ni Mayor Bong Constantino sa mga applikante, nga amo man ang iya ginkuhaan sang nagkadaiya nga mga suhest’yon para sa pagpili sang 20 lamang ka mga bag-o nga job orders sa ginaasoy nga munisepyo. 

Gani, matapos maripaso ang mga papeles sang mga aplikante, nahimo ang isa ka desisyon nga magapili ang LGU sang dugang nga mga trabahante pinaagi sa isa ka “bunot-bunot’ system. Ini para mahan-ay ang isa ka limpyo kag wala pabor-pabor nga pagpasulod sang mga trabahante, upod sa pagpanas sang pagduda nga ang pagkuha sang dugang nga mga job oreders sang munisepyo may ara sang kolor pulitika tungod sa umaabot nga May 2013 elections.  

Bisan pa man, gintagaan dako nga honor ni Constantino ang pwersa sang mga job orders tungod sa 'kadako sang nabulig' sini sa LGU para manguna subong ang banwa sang Malungon bilang pinakamapagsik nga lungsod sa ngalan sang progreso sa bilog nga probinsiya sang Sarangani. 

Bilang isa ka first class municipality, nagabaton sang annual Internal Revenue Allotment (IRA) nga P168M ang amo nga banwa kung diin 55% sini nagakadto sa personal services; 20% para sa annual investment plan; 5% sa calamity fund; 5% para sa Gender and Development (GAD), kag Maintenance and Other Operating Expenses (MOOE) sang munisepyo. 

“I am always willing to face every consequence of my decision para didto sa mga mabudlay paintiendihon. Because as a leader, I must be firm to what I perceive best for the welfare of not only the few chosen ones  but the entire populace,” ang dugang pa ni Constantino. (Isagani Palma-MALUNGON INFORMATION OFFICE)