5 ka pulis Malungon, ginpasidungan sang 'Medalya ng Kagalingan'

PNP-Comelec check point  – (L-R) Si deputy station chief, P/Sr. Insp. Rommel Constanino kag PO3 Ruel Ruiz samtang diplomatiko nga nagapamangkot sa isa ka nagpakilala nga m’yembro sang AFP, alinsunod sa padayon nga pagpatuman sang Comelec gun ban sa banwa sang Malungon, Sarangani. (JoJo Gocotano-MALUNGON INFORMATION OFFICE).

Comelec gun ban campaign – Makita sa laragway sanday (L-R) deputy station chief P/Sr. Insp. Rommel Constantino, PO3 Ruel Ruiz kag iban pa nga mga kapulisan samtang hugot nga gina-inspection ang mga motorista para sa pagpatuman sang Comelec gun ban sa banwa sang Malungon, Sarangani. (Isagani Palma-MALUNGON INFORMATION OFFICE)

----------------------------------------------------------------------------------------------------------------------------------

MALUNGON, Sarangani – LIMA ka pulis sang sini nga banwa ang nakadawat sang medalya tungod sa maayo nga pagpanerbisyo kag pagpatuman sang balaud, samtang hugot nga ginaimplimentar subong ang pag-obserbar sang Comelec gun ban diri sa sini nga banwa sang Sarangani Province.

Sa ginhimo nga pakig-estorya sa hepe sang kapulisan nga si Sr. Chief Inspector Lorobe Rojo sadtong adlaw nga Huwebes (Enero 7, 2013), ginsiling sini nga ang hugot nga pagpatuman sang gun ban alinsunod sa patakaran nga nagadumili sa pagdala sang armas sang bisan sin-o nga individual, magin yadtong yara sa gobyerno kun wala direkta nga pagtugot halin sa Commission on Elections hilabi na sa sini nga panahon sang kampanya para sa umaabot nga Mayo 2013 elections.

“Amo gani nga nagahatag kita sang warning sa katawhan nga kontani magpakabana sa pagdala sang armas de fuego nga wala sang Comelec exemption sa sini nga mga panahon,” ang siling ni Rojo, nga matud pa nagatuman lamang sa direktiba sang Comelec kag mismo alkade sang lungsod nga si Mayor Reynaldo ‘Bong’ Constantino.  

      

“Maayo man gani ang amo sini nga sestima para matagaan sang nagakaigo nga disiplina inang mga nagadala-dala sang armas nga indi man responsible gun holders, kag sama sadtong mga matig-a man sang ulo nga mga m’yembro sang awtoridad o gobyerno,” ang dugang nga komento ni Constantino.

Suno sa pinakaulahi nga taho halin sa Kauluhan, yara na sa may 500 ka tawo ang naaresto tungod sa Comelec gun ban, kon diin upod sini ang 10 ka pulis, isa ka soldado, 8 ka opisyal sang gobyerno kag 35 ka mga security guards. 

Sa kabilogan, nakakonpiskar na sang may 464 ka nagkalain-lain nga mga pusil, 122 bladed weapons, 16 grenades kag 2, 444 ammunitions ang gobyerno sa pagsulod lamang sang total gun ban.     Sa kabilogan, nakakonpiskar na sang may 464 ka nagkalain-la ions ang gobyerno. 

Sa pihak nga bahin, lima ka pulis sang ini nga munisepyo ang nagdawat sang ‘Medalya ng Kagalingan’ halin kay mismo PRO-12 Regional Director P/Chief Supt. Charles Turalba kag Sarangani PNP provincial dir. P/ Sr. Supt. Edwin Minon tungod sang maayo nga binuhatan kag pagpatuman sang balaud.

Ang mga ginpasidungan amo sanday Malungon Police Station deputy chief, Chief Insp. Rommel P. Constantino; Police Officer-3 Rey Arnold Rodrigo, PO2 Benvolio Alinsasaguin, PO2 Rodrigo Salmon, kag PO2 Vermon Bryan Villanueva.

Ang awarding ceremony ginhimo sadtong Enero 30, 2013 sa PNP Provincial Command, lungsod sang Alabel, Sarangani. (Isagani Palma-MALUNGON INFORMATION OFFICE)