P4-M-worth iregasyon sang NIA, ‘operational’ na sa Malungon

MALUNGON, Sarangani (August 15, 2012) - From left, Engr. Gina Lozano, acting chief of office of Silway-Buayan RIS/Sarangani Province, Board Member Eleanor Saguiguit, Barangay Captain Reumero Geonson, Governor Migs Dominguez and Upper Biangan Irrigation System president Juralde Deposo cut the ceremonial ribbon during the turnover rites of the Upper Biangan Communal Irrigation System Wednesday, August 15. For more news and updates, please visit http://www.sarangani.gov.ph/ and malungon.blogspot.com (Cocoy Sexcion/SARANGANI INFORMATION OFFICE)

------------------------------------------------------------------------------------------------------------------------

MALUNGON, Sarangani – Pormal na nga ginhimo sang National Irrigation Administration-12 (NIA) ang pagturn-over sang may P3, 932.718 nga bili sang Silway-Buayan Regional Irrigation System (Sarangani) sa mga mahimo nga tagdumala sini sa Brgy. Upper Biangan sadtong adlaw ng M’yerkules (Agusto 15, 2012), sa tunga sang pagtambong sang mga halangdon nga opisyales sang probinsya nga ginpanag-uluhan ni Gob. Miguel Alcantar-Dominguez.

Ang amo nga proyekto gin-akseptar sang mga naka-base nga opisyales sang local irrigator’s association sa pagpanguna sang presidente sini nga si Juaralde Deposo kag Brgy. Capt. Reumero Geonson, nga ginatudlo nga amo ang magabulig sa pagdumala kag pagmentina sang amo nga irrigation project sang NIA sa sini nga parte sang banwa sang Malungon.

Ang amo nga turn-over activity ginhimo sa presens’ya nanday Governor Dominguez, Board Member Eleanor Saguiguit kag Engr. Gina Lozano, nga amo ang acting chief sang NIA diri sa probinsiya.

Sang san-o lamang, gindayeg man ni Mayor Reynaldo ‘Bong’ Constantino ang pamunuan sang Departamento sang Agrikultura kag NIA diri sa Central Mindanao Region tungod sang matud pa, madasig nga pagpanday sini sang nga proyekto indi lamang sa sulod sang iya distrito, kundi sa tanan nga mga nasakupan nga luna sang Sarangai.

Tungod sini, nagapati si Constantino nga daku ang mabulig sang amo nga mga ‘kanal o waterway,’ hilabi na gid sa handum sang lokal nga pangamhanan nga mapakusog ang flagship program sini sa pagpananum.

Ginasiling nga ang amo nga proyekto isa sa mga dalagku nga proyekto nga nakumpleto kag natigayon sang NIA diri sa Rehiyon-12, alinsunod sa handum sang Central Office sini nga makay-o, mapalapad kag maka-patindog sang dugang nga mga irrigation systems sa bilog nga nasyon.

Ang CIS project sa Brgy. Upper Biangan nagsugod sadto Marso 14, 2012 kag nahuman sining nga bulan (Augusto 14, 2012). Ini nagapresentar sang may 290 metros lined main canal kag 2, 320 meters nga lined lateral canal, kun diin ginalauman ang pag-agwasa sang tubig nga magahatag proteksiyon kag suporta sa mga pananum sang mga mangunguma sang amo nga banwa. 

Siling ni Sarangani Gov. Dominguez, ang amo nga proyekto isa sa mga priority projects nga ginahandum sang probinsiya para makabulig sang dako, hilabi na didto sa mga gagmay nga mga mangunguma nga permi lang maigo sang drought kag kakulangan sa pagmentina sang tubig hilabi na sa panahon sang tag-init. (With reports from Jenny Rose de Guzman-PROVINCIAL INFORMATION OFFICE)