Paghiliusa sang opisyales sa probinsiya, suportado sa Malungon

Unity and Cooperation – Malaki ang paniniwala ni Mayor Reynaldo F. Constantino na ang ‘unification’ ng mga matataas na opisyales sa lalawigan ay mas lalong makapagbibigay ng sapat at nararapat na serbisyo sa publiko. Ito ay inihayag ng alkalde sa gitna ng selebrasyon ng ika 58-year Foundation Anniversary ng Brgy. Malungon Gamay sa bayan ng Malungon, Sarangani. (JoJo Gocotano – MALUNGON INFORMATION OFFICE)

------------------------------------------------------------------------------------------------------------------------

MALUNGON, Sarangani – NAGPAKITA sang konkreto nga pagsuporta ang gatusan ka mga katawhan upod ang mga opisyales sang Brgy. Malungon Gamay sa panawagan ni Mayor Reynaldo F. Constantino nga maghiliusa ang mga tag-as nga opisyal sang gobyerno sa probinsiya para sa padayon nga matawhay kag hapsay nga pagpaabot sang mga kidaiya nga proyekto sa mga Sarangans. 

Ang amo nga pagpangabay ginpa-abot sang mayor sa ginhimo nga selebrasyon sang ika-58 Foundation Anniversary sang amo nga lugar sa idalum sang tema nga: “Panaghiusa kag kooperasyon ipadayon, kalambuan atong maangkon,” nga ginhimo sa sulod sang lote sang bag-o ginpatindog nga Barangay Covered Court kag Barangay Hall sa idalum sang padayon nga pagsuportar sang lokal nga gobyerno sang Malungon.

“Tungod sang sekreto sang Malungon nga unity and cooperation, nakita naton tanan kung paano nagin unopposed ang pagpapili liwat sang aton pinalanga nga Kapitan Rogelio Arante kag ang nagin maayo nga resulta sini sa pagpadayon sang kalambuan sa inyo lugar. Gani kuntani mahimo man ini sa probinsiya nga pina-agi sa pagpaninguha sang inyo nga mayor, naumpisahan naton ang paghugpong kag unidad sang aton mga ginarespito kag ginapabugal nga mga opisyales sang aton probinsiya nga sanday Rep. Manny Pacquiao, Gov. Miguel Dominguez kag Vice Gov. Steve Solon para sa aton handum nga padayon nga kalambuan sang tanan,” ang siling ni Constantino.

 

Gidugang pa ni Constantino nga pinaagi sang amo nga sestima, mahimo na nga malikawan ang mga mahigko nga pamaagi sa pamulitiko kag ang pagbakal sang kinaiya nga boto kag prinsipyo hilabi na gid sa mga nitibo kag mga pigado nga tawo.

 

Samtang dako man ang ginpasalamat ni Arante sa ginapakita nga hugot nga suporta sang LGU sa idalum sang liderato ni Constantino, Vice Mayor Benjamin Guilley kag mga halangdon ng meyembro sang Sangunian sa iya nga ginasakupan, kun diin padayon nga nabatyagan na subong siling nya ang importansiya sang ginatawang nga unidad kag matinud-anay nga pagserbisyo sang gobyerno sa banwa sang Malaungon. 

  

“Life is what we make it,” amo man ini ang gintagaan sang dako nga punto ni Board Member Hermie Galzote sa iya nga mensahe nga naga siling nga ang paglambo matud pa sang pangabuhi nakadepende sa pagpaningkamot kag pagbinuligay sang tanan. (MALUNGON INFORMATION OFFICE/ ippalma)