Bagong paaralan para sa tribo, itinatag ni Constantino

New school, new hope – KASABAY ng opisyal na pagbubukas ng Filepe K. Constantino Elementary School sa Brgy. Datal Tampal ay muling nagbigay ng matibay na katiyakn si Mayor Reynaldo “Bong” Constantino na gagawin nito ang lahat para sa edukasyon ng mga batang B’laan at Taga-Kaulo sa bayan ng Malungon, Sarangani. (JoJo Gocotano-MALUNGON INFORMATION OFFICE/ ippalma).  

========================================================

 “HINDI dapat ikahiya ang tribo, dahil ang susunod na hinirasyon nito ay malayo na sa kamangmangan na tuwina’y naging sanhi pagmamaliit sa kakayahan nating mga B’laan at Taga-kaulo,” ito ang mensaheng pinabot ni Mayor Reynaldo “Bong” Constantino na isang half-blooded B’laan sa opisyal na pagbubukas kamakailan lang ng Felipe K. Constantino Elementary School sa Bgry. Datal Tampal, Malungon, Sarangani.

 

Sinabi ni Constantino na sa pamamagitan ng pagpatibay ng edukasyon sa mga bagong henerasyon ng mga indigenous people ay tuluyan nang makakamtan ng mga ito ang tamang daan at pamamaraan upang makawala sa kadena ng kahirapan.

“Let us free ourselves from the bondage of inferiority only because we are born to be B’laans. Tungod kay sa idalum sang akon nga administrasyon, pagahimuon ko ang tanan para maidukar sang maayo ang aton nga mga kabataan kag mahimo ini sila nga mga tuod-tuod nga lideres sang aton banwa sa pag-abot sang tama nga panahon,” ani Constantino, sa gitna ng naturang okasyon na dinaluhan din ng mga matataas na mga opisyales mula sa Departamento ng Edukasyon.

Ang FKCES ay itinayo bilang alay at pag-alaala (tribute) sa matagal na panahong ibinuhos sa pagserbisyo  publiko ng namayapa na dating bise gobernador ng Sarangani at alkalde ng bayan na si Felipe K. Constantino na  ama ng kasalukuyang alkalde ng Malungon.

Sa pagbubukas ng FKCES ay kasabay ding isinagawa ng local na pamahalaan ang pag turn-over ng apat na silid-aralan na nagkakahalaga ng mahigit-kumulang sa P1-milyon.

 

Kaugnay nito ay nangako din si Constantino ng halagang P200, 000 para sa ayon pa’y pambili ng mga karagdagan silya, mesa at iba pang gamit pangpaaralan.

Maliban sa LGU ay naging labis-labis din  ang pasasalamat ni Brgy. Capt. Mila Englis kay Rep. Manny Pacquiao dahil sa  tulong-pinansiyal na ibinigay nito para sa ikatuparan ng naturang proyekto, lakip na ang isang Ms. Viany Tan na ayon pa’y nagbigay din ng donasyong P50, 000 para sa karagdagang construction materials ng paaralan.

Sa kanyang mensahe ay ipinaalam naman ni DepEd district supervisor, Dr. Nora Nerpiol ang planong pagdagdag ng may apat pang silid-aralan ng DepEd para sa FKCES.

Ayon kay FKCES principal Lourdes Esberto ay nagsimula lamang sa may 138 na mag-aaral ang naturang pamantasan  noong June 2009, hangang sa lomobo ito sa may 311 ngayong taon.

              Aniya, ang FKCES ay isang katuparan para sa sampling pangarap na makapag-aral ng  mga batang B’laan at Kaulo na karamihan nito ay mula pa sa matataas na kabundokan. (Isagani P. Palma/ MIO-Malungon)

Pacman Ambulance

“Pacman” Ambulance – Top provincial government officials and town mayors of the seven municipalities of Sarangani pose for souvenir shot with boxing icon and Congressman Manny D. Pacquiao (center) Wednesday, following the formal turn-over of the seven ambulance health vehicles at Capitol Compound in Alabel, Sarangani. With Congressman Pacquiao are (L-R) Maasim town Mayor Jose Zamoro, Maitum Mayor Elsie Perrett, Malapatan Mayor Alfonso Sincoy (partly hiden), Glan Mayor Tata Yap, Kiamba Mayor Raul Martinez, Gov. Miguel A. Dominguez, Alabel Mayor Corazon Grafilo, Malungon town Mayor Reynaldo F. Constantino and Vice Gov. Steve C. Solon. (Isagani P. Palma/ MIO-Malungon)

“Bandido,” pinalaya ng JOW?

Out FREED – Si Lito Landawe, isa sa pinaghihinalaang bandido na sumuko sa pamahalaan noong buwan ng Enero, habang nagmamano bilang pasasalamat at pagbigay-galang kay Mayor Reynaldo F. Constantino matapos ipawalang-sala ng hukuman at makalabas mula Baluntay Prison noong nakaraang lingo sa Alabel, Sarangani. (JoJo Gocotano-MALUNGON INFORMATION OFFICE/ ippalma).      

MALUNGON, Sarangani -  Pinawalang-sala ng hukuman ang ikalawa sa may 12 suspetsadong “bandido” na kusang nagbalik-loob sa pamahalaan, sa pamumuno nina Mayor Reynaldo “Bong” Constantino at dating 1002^nd Army brigade commander,  Brig. Gen. Rainer Cruz sa Brgy. B’laan, Malungon, Sarangani.

Ayon kay Lito Landawe na itinuturong pumatay at tumangay ng kalabaw ng isang magsasaka sa Sitio Antique noong taong 2007, hindi ito nagkamali sa pagdinig ng pagtawag ng kapayapaan at rekonsilasyon ng lokal na pamahalaan, at maging sa pagbaba sa kabundokan para harapin ang mga akusasyon na ipinatong laban sa kanya dahil sa nakamtan nitong kalayaan.

Sinasabing matapos akusahan ng kasong pagpatay ay ninabuti ni Landawe na manatili na lamang sa kabundokan hangang sa mapabilang ito sa mga tinaguriang“tulagad o bandido” ng Malungon sa loob ng mahabang panahon.

Si Landawe ay isa sa 12 mga suspetsadong bandido, na bumaba’t nagbalik loob sa gobyerno matapos magbigay ng ultimatum si Constantino at AFP na hahabulin hangang sa pinakamataas na bahagi ng bayan ang ‘di magkukusang loob na sumuko sa mga maykapangyarihan.

“Daku gyud ang pasalamat namo kang m’yor sa iyang paghatag ug t’sansa sa amo nga makabalik ug panginabuhi ‘di sa kapatagan. Lipay pud kaayo ang akong pamilya kay sukad sa kadugayon sa panahon, makauban na nako sila sa Gaisano ug KCC mall bisag suroy-suroy lang,” ani Landawe, na masayang isinama ang kabiyak sa pakipagkita nito sa alkalde sa RFC Farm ng Brgy. Nagpan. 

Si Landawe ay kasunod na lumaya kay Uba Buan na isa rin sa mga itinuturong bandido at kapwa inakusahan sa salang pagnanakaw at pagpatay.

Ayon sa ulat ay kapwa pinawalang-sala ni Justice on Wheels (JOW) executive Judge Oscar Noel ang dalawang suspetsado dahil ayon pa, sa kakulangan ng ebidensiya, kusang “pag-atras ng kaso,” at kakulangan ng interes ng mga reklamante.

“Nagpapasalamat din ako dahil sa kusang-loob na pagbalik ng mga taong ito sa gobyerno dahil naging sanhi ito ng tuloy-tuloy na pananahimik ng aking nasasakupan. At least sa kanilang pagbaba sa kabundukan ay muling nagkaroon ng katahimikan ang mga maliliit na mga magsasaka na ang ilan dito’y  minsan na ring naging biktima ng karahasan,” ani Constantino.

Sa kanilang paglaya ay nakatangap ng kaukulang tulong pinansiyal mula sa pamahalaan sina Landawe at Buan, lakip ang matibay na pangako mula kay Constantino na susuportahan nito ang muling pagwawak na araro’t pagbungkal ng lupa ng mga ito para sa hangaring pagbabago. (Ippalma/ MIO-MALUNGON).

SarGen lady fighter bag “silver” in MMA nat’l games

"SILVER" Fighter – Mayor Reynaldo F. Constantino warmly welcomed First P-noy National Games mixed martial arts silver medalists Lovely Quibatin, 18, a resident of Brgy. Kiblat and BS Criminology student of Holy Trinity Collegein Gen. Santos City, during her recent visit in Malungon, Sarangani. (Isagani Palma).

==============================================================

GENERAL SANTOS CITY - A lady “Pencak Silat” fighter from the neighboring province of Sarangani was named silver medalist during the recent National Games mixed martial arts (MMA) competition in Bacolod City.

Lovely Quibatin, a 3^rd year BS Criminology student of Holy Trinity College was second placer after nailing down her chabacana (Zamboanga City) rival on a six take successive downs, or 18 point shots in the 55-60 kilogram division during the first-ever P-noy National Games held in Bacolod City and Negross Occidental province on May 20-29, 2011

The 18-year old Quibatin of Brgy. Kiblat, Malungon is expected to be on her stance again for the SarGen (Sarangani-Gen. Santos City) team under the Philippine Team’s class-B division on September.

“Guided with respect and discipline, my Physical Education guru Alfred Tango-Bascon recommended me at Suntao Je gym in Gen. Santos City where I was taught of proper Pencat Selat combat skills. I do not know how I (won) made it. All I can just remember was I just did what my instructor told me and devoted myself to all the MMA’s training policies,” said Quinbatin, who presented Mayor Reynaldo F. Constantino the awards she got in all her previous tournaments during a recent visit in Malungon town.  

Quibatin, a 2009-2010 Special Program of Employment of Student (SPES) beneficiary of Malungon town was on her junior year in college when discovered by a martial arts basic instructor.    

“It is really of great honor for us Malungonians to have this kind of a Lovely fighter, not only of the MMA capabilities, but in struggling for academic victories. Hopefully, the guts and bravery that this young girl have shall serve as an impressive example to all of those who are given the chances to learn by the local government,” Constantino said.                     

Mixed Martial Arts (Pencak Silat), is a native Asian martial arts that was developed in Brunei, the Philippines, Cambodia, Myanmar and Vietnam.        

It is a fighting style with hundreds of diversifying methods that focuses either on strikes, joint manipulation, throws, bladed weaponry, or some deadly combinations, provided on how it is being applied.

It is one kind of MMA sports that is included in the Southeast Asian Games and other region-wide competitions, but its fighting techniques defend on how the fighter is being trained and sharpened by various organizations such as the Ikatan Pesilat of IndonesiaMalaysia (PESAKA), Persekutuan Silat of Btunai Darussalam (PERSIB) and the Persekutuan Silat Singapura (Persisi) of Singapore.   (IPSA), Persekutuan Silat Kebangsaan of

Experts said mixed martial arts allows competitors to draw upon techniques from a wide range of martial arts; strikes with the hands, feet, elbows and knees are allowed, along with throwing and grappling techniques usually drawn from wrestling, judo and Brazilian Jujitsu.    

        

Meanwhile, Constantino said the local government is always up to support not only Quiblatin, but all sports-minded people of the younger generation. However, the chief executive still encourages students to focus on their studies in a bid to have a well secured and stable employment in the future. (with reports from MALUNGON INFORMATION OFFICE).

1 sugatan, kabahayan nasira dahil sa baha at pag-guho ng lupa

Rampage – Si Mayor Reynaldo “Bong” Constantino (L) at nakakatandang kapatid na si Malabod Brgy. Capt. ToTo Constantino habang nagsasagawa ng ocular inspection sa mga naiulat na sinira ng tubig-baha noong araw ng Huwebes sa Kiblat Bridge, Malungon, Sarangani. (JoJo Gocotano-MALUNGON INFORMATION OFFICE/ ippalma). 

______________________________________________________________ 

MALUNGON, Sarangani – Isa ang sugatan samantalang ilang kabahayan na rin ang iniulat na nasira dahil sa walang humpay na pag-araro ng malakas na tubig-baha’t pagguho ng lupa sa Barangay Malabod, Alkikan at Datal Batong ng naturang bayan.

Sa pinakahuling ulat mula sa Municipal Disaster Risk Reduction and Management Council ay sinasabing nasa mahigit-kumulang 30 pamilya na rin ang naging apektado ng tuloy-tuloy na pagbuhos ng malakas na ulan, samantalang isang bahay naman ang naiulat na nawasak  matapos umanong bagsakan ng gumuguhong lupa sa Brgy. B’laan.

Sa pakikipagusap kay Datal Batong Brgy. Capt. Ricardo Garcillar ay sinabi nito na agad isinugod sa bahay pagamutan si Gng. Gonita Mango dahil sa mga natamo nitong sugat sa katawan, matapos sirain ng land slide ang kanilang tahanan mga alas 7:00 ng gabi noong araw ng Martes.  

Ayon din kay Brgy. Capt. ToTo Constantino ng Brgy. Malabod ay may 15 pamilya rin ng mga magsasaka ang kasalukuyang nawalan ng madadaanan matapos matabunan ng gumuhong lupa ang daanan sa may Abnayao Creek, pababa sa kabayanan.

Kaugnay nito’y agad namang nagpalabas ng kautusan si Mayor Reytnaldo F. Constantino sa Municipal Engineering Office para sa madaliang pagpadala ng mga heavy equipments at sa pagkumpuni ng mga nasirang daan, tulay at river dikes sa mga naturang pook.      

Agad ding pinalikas ni Constantino ang mga naninirahan sa tabing ilog para ayon pa’y makaiwas sa biglaang pagtaas ng tubig.

“Una sa tanan dapat ta gid nga siguruhon ang kinabuhi sang aton nga mga pumuluyo.  Kag sa sini man nga panahon, diri natong mapakita ang aton nga unidad para sa kaayuhan kag siguridad sang tanan kag indi sang pipila lamang,” ani Constantino.  (Isagani P. Palma/ MIO-Malungon).

5-ektaryang MSU campus, itatayo sa Sarangani

MSU Branch – Masusing pinagusapan nina (L-R)  OIC provincial administrator Vicente Camacho, Mayor Reynaldo “Bong” Constantino, Vice Mayor Benjamin Guilley at Bennie Llego, Municipal Admin-Officer IV noong araw ng Lunes ang plano hingil sa pagpapatayo ng sangay ng Mindanao State University sa Brgy. Malandag, Malungon, Sarangani. (JoJo Gocotano-MALUNGON INFORMATION OFFICE/ ippalma

=======================================================

MALUNGON, Sarangani -  ISANG malaking karangalan para sa mga namumuno ng lokal na pamahalaan ang kumpermasyong dala-dala ng itinalagang administrador ng Sarangani kaugnay sa ayon pa’y pagbubukas ng sangay ng Mindanao State University dito sa bayan.             

               Sa isinagawang pagtitipon ay sinabi ni OIC provincial administrator Vicente Camacho na kasalukuyan na umanong pinaguusapan ang pagpapatayo ng may limang ektaryang school campus ng MSU sa Brgy. Malandag, Malungon, Sarangani.

              “School and government officials led by Gov. Miguel Dominguez are really keen of putting up MSU here not only because of the strategic school site but likewise to the active support and participation of the local government,” ani Camacho.

Ayon kay Mayor Reynaldo F. Constantino ay kasalukuyan na ring naghahanda para sa paglikom ng kaukulang pondo ang lokal na pamahalaan para sa gagamiting counter part nito sa pagbili ng lupa na pagtitirikan ng naturang proyekto.

“Napakagandang proyekto nito kasabay sa pagbubukas ng Brgy. Malandag bilang isa sa mga bagong bayan ng ating lalawigan. Ang pagtayo ng MSU ay kinukunsidera ko rin na isang katuparan sa minimithi ko na pagtibayin ang pamamaraan ng edukasyon at karunungan para sa aking mga kababayan,” ani Constantino. 

     

Sinabi ni Vice Mayor Benjamin Guilley na ang pagdating ng nasabing pamantasan sa ilalim ng kasalukuyang administrasyon ay magiging isa sa mga legasiyang maiiwan nito para sa mga nagsusumikap na mga mag-aaral ng Malungon bago pa man magtapos ang termino nito sa pagka bise-alkalde sa taong 2013.

“At least magkakaroon na tayo ng kasiguruhan sa edukasyon para sa mga tribong B’laan at Kaulo ng Malungon. Dahil sa mga panibagong sestima ng educational assistance program ng ating gobyerno at sa pagtayo ng mga makabagong pamantasan, alam ko na di na magtatagal at makakalaya na rin ang aking mga mamamayan mula sa pagkagapos ng kamangmangan,” ani Guilley. (Isagani P. Palma/ MIO-Malungon).

88 estudyante, bagong LGU-Sarangani SPES beneficiaries

SPES Culmination – Si Mayor Reynaldo “Bong” Constantino habang nagbibigay ng ilang paalala sa may 88 mag-aaral (L) na benepisaryo ng Special Program for Employment of Students  sa Diamond Head Resort, Malungon, Sarangani. Makikita din sa larawan si Ms. Cristina Constantino-Lapaz na tumatayong overseer ng programang SPES sa naturang bayan. (JoJo Gocotano-MALUNGON INFORMATION OFFICE/ ippalma). 

========================================================

MALUNGON, Sarangani – MASAYANG namaalam sa isa't isa noong araw ng Huwebes ang nagsipagtapos ng isang buwan na panunungkulan bilang summer job students o benepisaryo ng programang Special Program for Employment of Student (SPES) ng lokal na pamahalaan at ng provincial government ang may 88 mag-aaral sa isinagawang pagtitipon ng mga ito sa may Diamond Head Resort ng naturang bayan.

Sa isang pakikipagpanayam ay sinabi ni Mayor Reynaldo “Bong” Constantino na ang programang SPES ay sandigan ng mga mahihirap ngunit matiyaga't nagsusumikap na mga kabataan na nagnanais makapagtapos ng kani-kanilang pag-aaral sa iba’t ibang pamantasan.

“Nagasalig ako nga kuntani nahatag ko sa inyo ang ginahandum n’yo nga bulig halin sa sini nga pang gobyerno, kag matabangan man ninyo ako sa  pagpaabot sa aton nga mga katawhan sang mga reporma nga nakita ninyo sa idalum sang akon pangamhanan.  I hope you also enjoyed your time in serving the people of Malungon,” ani Constantino.

Ang grupo ay iilan lamang ayon pa, sa mga estudyante na naging bahagi ng SPES sa loob ng magkasunod na tatlong taong panunungkulan ng alkalde sa bayan.

Samantala, masaya ring ipinaabot ng gobernador ng lalawigan na si Gov. Miguel A. Dominguez ang kanyang pagbati kay Constantino dahil ayon pa'y patuloy na pamamayagpag ng Malungon sa larangan ng edukasyon sa buong lalawigan.

             Napagalaman din na sa kasalukuyan ay aabot na sa may P10M ang inilalaan na pondo ng bayan tuwing taon, para sa suportang ibinibigay nito sa may 517 na mga estudyante na itinuturong mga benepisaryo ng Educational Assistance Program (EAP) ng LGU.

Maliban dito ay aabot na rin umano sa mahigit-kumulang 200 educational scholars mula sa iba’t-ibang religious ministries at mga tribong B’laan at Taga-Kaulo ang kasalukuyan na ring pinapaaral ng lokal na pamahalaan.

            Ayon sa alkalde, ang patuloy na pagbigay ng pagkakataon para  makapagtapos ng iba’t-ibang kurso ang mga mag-aaral ng Malungon ay siyang inaasahan nito na aangat sa kabuhayan ng kanyang mga mamamayan. (Isagani P. Palma/ MIO-Malungon)